Alegiako Mendi Asanbladak antolatuta, maiatzaren 20an, larunbata, saguzarrak ikustera joateko irteera egingo dute iluntzean. ‘Saguzarrak, gure bizilagunik onenak’ izeneko ekimenean parte hartu nahi dutenentzat, 20:30ean jarri dute hitzordua plazan, eta oraindik zehaztu ez den puntu batera joango dira saguzarrak behatzeko.
Bi zati nagusi izango ditu irteerak. Lehen zatian, saguzarren inguruko oinarrizko ezagutza emango dute material desberdinak erabiliz. Behin ilundutakoan, paseo bat emango dute eta ultrasoinu detektagailuekin saguzarren presentzia hautemango dute eta espezie ezberdinak identifikatzeko aukera izango da.
Ekimen horretan izena eman nahi dutenek zabalik dute aukera. Kultur etxera bertaratuz edo lotura honetan duten formularioa betez egin dezakete. Azken eguna maiatzaren 17a izango da. «Animatu, aukera polita da eta gure inguruko bizilagunak ezagutzeko», adierazi dute antolatzaileek.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
