Regina Sorarrain izango da maiatzaren 28ko udal hauteskundeetarako Aurrera Alegia alderdiko zerrendaburua. 2019ko udal hauteskundeetan ere Sorarrain izan zen alderdiko alkategaia. «Lau urte hauetan landu dugun konbentzimendu berarekin eta indar eta ilusio handiko talde batekin, herritarren eskaeretan oinarritutako programa bat prestatu dugu. Alegiarren bizi-kalitatea hobetzeko lan egitea da gure helburua, gure leloak dioen bezala, herritik herriarentzat, herritarren ongizatea helburu», adierazi du alderdiak. «Horrela, legegintzaldi berrirako oposizioan lau urte hauetan egindako lan guztiari jarraipena eman nahi diote, dagoeneko bidean dauden proiektu berriak alde batera utzi gabe», gaineratu dute.
Sorarrainek esan duenez, «bide bat eginda daramagu, eta bertan hainbat proiektu gauzatu ditugu, hainbat administraziorekin lan eginez, hala nola, Aldundiarekin edo Eusko Jaurlaritzarekin, herriari hobekuntzak ekartzeko helburu bakarrarekin».
Pasa den astean, Elkarrekin-Podemos alderdiak Gipuzkoako ahaldun nagusirako aurkeztuko duen hautagai Miren Echevesteren bisita jaso zuten Aurrera Alegia alderdiko udal taldeak Alegian, Gipuzkoako Elkarrekin-Podemosek sare sozialetan adierazi zuenez, «udalerriko beharrak eta arazoak gertutik ezagutzeko».