Saioa martxoaren 23an izango da, 18:00etan, liburutegian. Herritarrei gonbidapena luzatu diete saiora gerturatu daitezen.
Alegiako irakurle taldea martxoaren 23an egingo du ikasturteko lehen saioa. Nerea ibarzabal Salegiren Bar Gloria eleberria izango dute aztergai, 18:00etan liburutegian hasiko den saioan.
Amaia Goikoetxeak dinamizatutako saioa izango da, eta ohi bezala, herritarrei irakurle taldeko saioetara hurbiltzeko gonbidapena egin diete. Gogorarazi dute, ez dagoela zertan liburuak irakurrita joan. Saioak irauten duen bitartean, liburutegia itxita egongo da.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!