Alegiako Udalak hondakin organikoentzako poltsak banatuko dizkie herritarrei. Otsailaren 22an, 23an eta 24an egingo da banaketa kultur etxean eta herritarrek 10:30etik 12:30era eta 17:00etatik 19:00etara pasa ahal izango dute poltsak jasotzera. Lehen banaketan, etxebizitza bakoitzari 37 poltsako bi sorta emango zaizkio. Banaketa honen helburua, plastikozko hondakin poltsen erabilera mugatzea da. Poltsak jasotzerako garaian kontuan izan beharreko hainbat ohar:
- Adin txikikoek ezingo dituzte jaso.
- NAN edo identifikazio dokumenturen bat aurkeztu beharko da.
- Atez ateko kuboak itzuli egingo diren edo norberak gordeko dituen zehaztu beharko da. Itzultzekotan, denak edo batzuk itzuliko diren ere esan beharko da.
- Poltsak etxebizitza bakoitzari banatzen zaizkio. Ez pertsona bakoitzari.
Udalaren asmoa urtean zehar banaketa gehiago egitea da, Tolosaldeko Mankomunitateak poltsen hornidura bermatzen duen neurrian. Aurrera begira, poltsak lortu ahal izateko makina bidezko sistema automatizatu bat jarriko da eta etxebizitza bakoitzak izango duen txartel baten bidez hartu ahal izango dira.