Alegiako Udala urtarrilean ari da gauzatzen Inaxio Begiristain Kultur eta Kirol Etxeko bazkide txartelak berritzeko 2023ari begirako kanpaina. Kontua helbideratuta dutenek eta ez dutenek modu ezberdinetara egin beharko dute ordainketa.
- Ordainketa helbideratuta duten bazkideak: Lehen kuota otsailaren hasieran kargatuko zaie, helbideratuta duten kontuan. Baja eman nahi duten bazkideek urtarrilaren 31a baino lehen jakinarazi behar dute eta txartela itzuli kultur etxean.
- Ordainketa helbideratu gabe duten bazkideak: Kontu korronte zenbakia eman gabe dutenek eta 2023an bazkide izaten jarraitu nahi dutenek, urtarrilaren 31a baino lehen dagokien kuotaren ordainketa egin beharko dute Kutxabankeko 2095-5020-03-1061513718 kontuan eta ordainagiria kultur etxean aurkeztu.
Prezioak:
Alegian erroldatuak
Bazkide mota |
Prezioa |
Familiarra | 160 euro |
Heldua | 103 euro |
Hobariduna | 64 euro |
Alegian erroldatu gabeak (Erroldatuen kuota + %30)
Bazkide mota |
Prezioa |
Familiarra | 208 euro |
Helduak | 134 euro |
Hobaridunak | 83 euro |
Hilabete baterako bazkide egiteko aukera ere badago, 20 euro ordainduta. Informazio edo argibide gehiagorako kultur etxera jo daiteke edo 943 65 46 98 telefono zenbakira deitu.