Alegiako Kultura batzordeak hainbat ekitaldi antolatu ditu datozen Eguberrietarako. «Ekitaldi horiek, ordea, ez dira bakarrik prestatu eta antolatzen», adierazi dute, eta horrenbestean, herritarren laguntza eskatu dute ekintza horiek «behar den moduan egin ahal izateko». Hiru ekintza dira boluntarioen laguntzarekin egin beharrekoak:
- Abenduak 24: Olentzeroren eta Mari Domingiren etorrera.
- Abenduak 31: San Silvestre krosa.
- Urtarrilak 5: errege kabalgata.
Ekintza horietan laguntzeko prest dauden herritarrek kultur etxean eman dezakete izena, zein ekintzatan lagundu nahi duten zehaztuz. Kultura batzordeak herritar horien prestutasuna eskertu nahi du. «Orduan eta jende gehiagoren laguntza izan, lan gutxiago egin beharko da eta ekintzak hobeto aterako dira», gogorarazi dute.