Abaltzisketako, Alegiako, Altzoko, Amezketako, Ikaztegietako eskoletan eta Aralar Institutuan banatutako orrien bidez egin behar da izen ematea, abenduaren 9a baino lehen.
Intxurre Pilota Eskolak antolatzen ditu Gabonetako topaketak. Sailkapen partidak abenduaren 26an eta 27an jokatuko dira. Pilotalekuak eta ordutegia izen ematearen ondoren zehaztuko dituztela azaldu dute Intxurretik. Finalak Alegian jokatuko dira abenduaren 30ean, arratsaldez. Ondoren sari banaketa ekitaldia eta merienda egongo da.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!