Andoni Agirrezabala Izagirre alegiarrak idatzi berri duen Etxe Berdea liburuaren aurkezpen ekitaldia egingo da, bihar, hilak 17, kultur etxeko areto nagusian.
18:00etan hasiko den ekitaldia herritar guztiei irekia izango da, Alegiako Udalak herritarrak aurkezpen ekitaldian parte hartzera animatu nahi ditu. Idazlearekin batera, Alegiako Irakurle Taldeko dinamizatzailea den Amaia Goikoetxea Orbegozok hartuko du parte bertan. Erein argitaletxearekin duela aste gutxi argitaratu du Agirrezabalak bere lehen liburua. Detektibe nobela bat ondu du alegiarrak.
Saioaren amaieran Agirrezabalak liburuak sinatuko dizkie hala nahi duten herritarrei.
Irakurle taldean, 'Etxe Berdea'
Alegiako Irakurle Taldeak abenduaren 15ean du hurrengo hitzordua, eta kasu honetan, Etxe Berdea liburua izango dute aztergai. Irakurle taldearen saioetan parte hartzeko liburuak irakurrita joan beharrik ez dagoela gogorarazi dute.