Urriaren 15ean, larunbatean, ospatuko dute Intxurre Eguna, Alegian. 50 urteak ospatzeko herri bazkaria egingo dute. Bazkariaz gain, ordea, arratsaldea girotzeko erromeria izango da Mugi Pandero taldearekin.
Menua haragi paella, masailak saltsan, tarta izozkiarekin eta kafea izango da, eta 25 euro ordaindu beharko da txartela. Haurren menuan haragi paella eta tarta izozkiarekin jarriko dute, eta 10 euroko kostua izango du. Horiez gain, menu beganoa ere aukeran izango da.
Txartelak Errotatxo, Xune Estetikan eta kultur etxean erosteko aukera izango da, edo Aratz Irazustabarrena, Asier Ezeiza, Ibon Azpilikueta, Nekane Guerrero eta Patxi Renobales bazkideen bidez ere eskuratu daitezke.
Eguraldi ona izanez gero, plazan egingo dute bazkaria, eta horrela ez bada kultur etxean.
Tailerra
Alegiako Intxurre Elkartean izango da Argazkilaritza Analogikoaren tailerra. Urriaren 2an, 8an eta 22an izango da, goizez. Parte hartu nahi dutenek izena eman beharko dute iazpili@gmail.com helbide elektronikora idatzita. Informazio gehiago nahi duenak mezu bidez jasotzeko aukera izango du.