Guztira 20 postu inguru elkartu dira goizean Alegiako frontoian. Nekazaritza postuek ez dute hutsik egin, eta bertan hainbat produktu dastatu eta erosteko aukera izan dute gerturatu direnek; baratzeko produktuak, eztia, ogiak eta gozoak, besteak beste. Jakiak ez ezik, hainbat artisau postu ere izan dira bertan, eta herriko zein bailarako beste herrietatik etorritako artisten lanak erosteko aukera ere izan da. Gainera, urtero moduan, DBHko ikasleek ikasbidaiarako dirua ateratzeko postua ere jarri dute.
Hamaiketakoa nahi zuenak zerbait jan eta edateko aukera izan du azokan bertan. Izan ere, frontoiko sarreran taloak saltzeko postua zegoen, eta gozorik ere ez da falta izan azokan.