Paula del Pozo triatleta alegiarra Portugalen izan da asteburuan, Europako Triatloi Kopako proban. Igerian 750 metro, bizikletan 18,6 kilometro eta korrika kilometro bat egin behar izan zituzten parte hartzaileek, eta del Pozo hamahirugarren postuan helmugaratu zen. 58:12ko denbora egin zuen, proba irabazi zuen Finja Schierl alemaniarrarengandik minutu pasatxora.
Abuztuko azken asteburuan, Taldekako Errelebo Mistoko Europako Triatloi Txapelketa jokatu zuten Gironako Banyoles herrian. Del Pozok parte hartu zuen bertan Saltoki Trikideak taldearekin eta bederatzigarren postuan amaitu zuten. Talde bakoitzean lau partaide aritu ziren, bi emakume eta bi gizonezko. Kide bakoitzak triatloi bat osatu behar zuen eta Del Pozok 21 minutu eta 46 segundo behar izan zituen igerian 300 metro, bizikletan 6,6 kilometro eta korrika kilometro bat egiteko.