San Fermin Txapelketako lau eta erdiko partida jokatuko du arratsaldean Iñaki Artolak, Unai Lasoren aurka Irunen. Ataria Irratiak zuzeneko kontaketa egingo du Uranzu pilotalekutik, 18:30etik aurrera.
Finalerdietarako txartela izango dute jokoan Artolak eta Lasok. Irabazleak Peña II.aren aurka jokatuko du igandean Elgetan. Hortik, finala jokatzea besterik ez zaio geratuko Elgetako irabazleari.
Irungo jaialdia 18:00etan hasiko da. Lehen partida Urrutikoetxea-Imaz eta Peña II-Albisuren artekoa izango da. Ondoren etorriko da San Fermin Txapelketako lau eta erdikoa. Ataria Irratia bertan izango da, zuzeneko kontaketa egiten.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?