Kadete eta nagusi mailan eta binaka jokatzen da txapelketa. Bihar, ekainak 24, 19:00etan hasiko da lehen finalerdien jaialdia. Kadeteetan Bidezabal-Egaña bikoak Zestau-Iturrioz izango du aurkari. Ondoren, nagusietan, Elola-Aizpuru bikoak Alberdi-Ugartemendia bikotearen aurka jokatuko du.
Bigarren finalerdiak uztailaren 1ean izango dira, 19:00etatik aurrera. Kadeteetan Goñi-Castro eta Murua-Leonet bikoteek neurtuko dituzte euren indarrak lehen partidan, eta gero, nagusietan, Murua-Irazustabarrena eta Zubeldia-Iztueta ariko dira nor baino nor.
Finalak, berriz, uztailaren 15ean izango dira. Partida guztiak Elorri frontoian jokatuko dira.