Alegiarrak 23 urtez azpiko Europako Triatloi Txapelketan parte hartu du asteburuan, Poloniako Olsztyn herrian.
Esprint modalitatean izan zen proba, eta ostiralean A finalerako sailkatzea lortu zuen. Larunbatean jokatu zuen finala eta zortzigarren postua lortu zuen, 26.04ko denbora eginez. Irabazlea Cathia Schar suitzarra izan zen, 25.21eko denborarekin gailenduz. Meritu handiko postua lortu du triatloilari alegiarrak, 23 urtez azpiko mailan bere lehen urtea baita.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!