Dena den, mailaz igotzeko aukerekin jarraitzen dute oraindik Elorri Aldapakoek. Larunbatean 18:00etan Arrasaten jokatuko den hirugarren eta laugarren postua erabakitzeko partida irabazten badute, bigarren mailara igotzeko txartela lortuko dute. Mondragon Unibertsitatea B taldea izango dute aurkari, Easoren aurka beste finalerdia galdu duen taldea.
Elorri Aldaparen partida ikustera zale ugari joan ziren larunbatean Arrasatera. Etengabe animatzen aritu ziren eta bai larunbatean Arrasatera joan zirenei eta baita urte osoan zehar taldea babestu dutenei ere, eskerrak eman nahi dizkie taldeak. Larunbatean Arrasaten azken urrats hori ematen laguntzeko babesa ere eskertuko dutela adierazi dute.