Argazki Rallya egingo dute, eta izen ematea Langaurrera abiatu baino lehen egingo dute Intxurre Elkartean. Norberak bere kamera edo mugikorrarekin atera beharko ditu argazkiak. 09:00etan plazatik abiatuta Langaurrera igoera egingo dute.
Behin Langaurrera igota, Txorien Habi kutxen tailerra egingo dute 11:00etan. Aranzadi elkarteko kideen gidaritzapean egingo da, eta habiak eraiki eta bertan jarriko dituzte. Izena eman beharko da hilaren 9tik 20ra bitartean, kultur etxean edo udaleko web orrian. Langaurren bazkalduko dute, eta bueltan, parte hartzaileei izozkiak banatuko dizkiete Intxurre elkartean.
Alegiako Argazkizaleen Taldeak, Intxurre elkarteak, Mendi Asanbladak eta Alegiako Udalak elkarlanean antolatu dute Langaurrera mendi irteera, hilaren 22rako.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!