Alegiako Inaxio Begiristain Kirol eta Kultur Etxeko gimnasioa astelehenetik igandera erabili ahal izango dute hemendik aurrera bertako bazkideek. Asteko zazpi egunetan 08:00etatik 21:00etara izango dute zabalik gimnasioko bazkideek, eta txartela erabili beharko dute sartu ahal izateko.
Ordutegi berrira egokitu ahal izateko, bazkide guztiei asteburuan gimnasiora sartu ahal izateko txartela eguneratu behar dutela gogorarazi diete udaletik. Horretarako, kultur etxeko harreratik pasa beharko dute astelehenetik ostiralera 10:00etatik 13:00etara edo 15:00etatik 21:00etarako ordutegian.