Intxurre elkartearen 50. urteurreneko ekitaldien barruan futbol partida polita ikusteko aukera izan da Alegiako Elorri futbol zelaian. Hain justu, Intxurre taldeko beteranoek Realeko beteranoen aurka jokatu dute. 1-8 amaitu da partida Realaren alde.
Alegiarrentzat ederki hasi da partida, euren aldeko golarekin, baina, Realeko jokalariek segituan irauli dute markagailua lehendabiziko zatian, eta atsedenaldira 1-3 joan dira jokalariak. Bigarren zatian, berriz, Intxurrek ez du golik egin, eta Realak beste 5 sartu ditu.
Dena den, emaitza ez zen gaurkoan garrantzitsuena. Intxurre futbol taldeak 25 urte egin zituen iaz, eta taldean aritutakoak futbolean berriro ikusteak ikusmina sortu du, eta herritar asko gerturatu dira futbol zelaira ikuskizunaz gozatzera. Realeko beteranoek, asko adinean aurrera doazen arren, maila ona erakutsi dute, baina, alegiarrek ere eusten jakin dute, futbolean jokatzen ez zaiela ahaztu erakutsiz.