Alegiako Elorri frontoia lepo bete zuen Bengoetxea VI.ak, ostiralean. Intxurre elkartearen 50. urteurrenaren barruko jaialdian "giro ederra" izan zela adierazi dute antolatzaileek. Oinatz Bengoetxeak Aratz Irazustabarrena lagun zuela jokatu zuen Jon Erasun eta Julen Alberdiren aurka. Intxurreko nesken arteko palazkoa ere jokatu zuten Uxue Olano eta Oneka Karrerak, Anne Agirre eta Nagore Muruaren aurka. Jaialdi ederraren ostean, amaieran, Oinatz Bengoetxeari eta Jon Erasunei oroigarri bana eman zieten Intxurreko kideek eta afari batekin eman zioten amaiera egunari.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!