Pandemiaren ondorioz bi urteko etena izan eta gero dator bueltan kluben arteko txapelketa eta bertan 27 taldek hartuko dute parte. Euskal Herriko 23k, Errioxako hiruk eta Bartzelonako batek. Finalak datorren ekainaren 26an jokatuko dira, Hernanin.
Kadete, gazte eta nagusien mailatan jokatuko dira partidak. Hiru partida jokatuko dira, beraz, igandean, 17:00etan hasita, eta bi neurketa irabazten dituen elkarteak egingo du aurrera. Baina lehen bi partidak elkarte berak irabazten baditu, tanto sistemak aginduko du.
Intxurreri dagokionean, erabakita du klubak zein pilotari lehiatuko diren: kadeteetan Harkaitz Murua eta Mikel Iturriotz, jubeniletan Jokin Onsalo eta Jon Zabala, eta nagusietan Iker Zubeldia eta Aratz Irazustabarrena.