Super Esprint distantzian egin zen lehiaketa. Hau da, parte hartzaileek distantzia oso laburreko probak egiten dituzte hurrengo fasera sailkatzeko. 150 metro igerian 25 metroko igerilekuan, 3 kilometro bizikletan eta korrika kilometro bat. Del Pozok zazpigarren amaitu zuen lehen sailkatze proba. Aurrera egin ahal izateko bigarren aukeran lehiatu behar izan zuen triatloilari alegiarrak eta bertan garaipena lortu zuen. Ondoren, finalerdietan ere maila bikaina eman eta bigarren postuan sailkatu zen, final nagusirako txartela lortuz. Finalean bederatzigarren postua lortu zuen Del Pozok.
Paula Del Pozok bederatzigarren postua lortu zuen larunbatean Frantziako Lievin hirian jokatu zen Europako Triatloi Kopako proban.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!