Intxurre Elkartearen 50. urteurrenaren harira, pilota partida bereziak antolatu dituzte Alegian, apirilaren 1erako. Bertan, Bengoetxea VI.ari kantxetatik agur esateko aukera izango dute inguruko pilotazaleek. Oinatz Bengoetxeak herritar batekin osatuko du bikotea, Aratz Irazustabarrenarekin, eta bi zizurkildar izango dituzte aurkari: duela gutxi arte profesionala izan den Jon Erasun eta Julen Alberdi. Eskuzko partida horren aurretik, nesken arteko palazkoa jokatuko da. Intxurre pilota eskolako lau kide izango dira lehian: Uxue Olano eta Oneka Karrera, Anne Agirre eta Nagore Muruaren aurka. Jaialdiari arratsaldeko zazpietan emango diote hasiera Elorri pilotalekuan.
Sarrerak dagoeneko salgai jarrita daude Alegian, Errotatxo okindegian eta Iskiña tabernan. Hamar euro balio du sarrerak eta 16 urtez azpikoek ez dute ordaindu beharrik izango.
Bengoetxea VI.ak partida jokatuko du Elorri pilotalekuan
Intxurre Elkartearen 50. urteurrena dela-eta antolatu dute pilota jaialdia apirilaren 1erako herriko frontoian.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!