Ate joka da Emakumeen Nazioarteko Eguna, eta Alegiako Eztanda talde feministak lau ekitaldi antolatu ditu. Lehena, eta Alegiako Mendi Asanbladarekin elkarlanean antolatuta mendi martxa egingo dute.
Larunbatean izango da Mendi Martxa Morea, eta 09:00etan abiatuko dira Mareara. Plazan elkartuko dira, eta bertatik oinez abiatuta egingo dute bidea. Parte hartzeko deia luzatu dute.
Emakumeen Nazioarteko Egunean, hau da, martxoaren 8an, elkarretaratzea egingo dute, 19:00etan, plazan. Ostegunean, hilaren 10ean, pintxopote morea egingo dute. Zerbait morea jantzi, eta 19:00etatik aurrera poteatzera irteteko gonbidapena egin dute Eztanda talde feministakoek.
Martxoaren 15ean, asteartean, Raketistak dokumentala eskainiko dute Alegiako zineman. Behin dokumentala ikusita herriko palisten testigantzak entzuteko aukera izango da.