Intxurre elkartearen 50. urteurrenaren barruko emanaldia izan zen, asteartean, Hauts. Amiantoaren kalteak, kaltetuen hitzetan dokumentala. Asbestosiak hildako Celestino Tolosa alegiarraren prozesu osoa kontatzen du Otsanda Tolosa alabak lan horretan, eta Alegian bertan izan zen.
Antolatzaileak "gustura" geratu ziren: "Oso ondo atera zen. Celestino bertakoa izanik hunkigarria izan zen". 50 bat pertsona gerturatu ziren kultur etxera dokumentala ikustera.
Behin dokumentala ikusi eta gero, Otsanda Tolosa alabari, Intxurre elkarteko zutabe eta oinarri den oroigarri bat eman zioten Intxurre elkarteko ordezkariek.
Dokumentala ikusten izan zen Jesus Uzkudun Asviamie elkarteko arduradunetako bat, eta "oso gai interesgarriak" aipatu zituela adierazi dute.