Paula Del Pozo triatleta alegiarrak beste emaitza nabarmen bat lortu du. Pontevedran (Galizia) jokatutako Espainiako esprint eta supersprint distantzietako triatloi txapelketak jokatu ziren eta supersprint mailan, emakumezko juniorretan, bigarren sailkatu zen alegiarra. Modalitate horretan, igerian 600 metro, bizikletan 6 kilometro eta korrika kilometro eta erdi osatu behar izan zituzten. Del Pozoren taldea den Saltoki Trikideakek, taldekako sailkapenean hirugarren postua lortu zuen.
Iragan asteburuan Pontevedran jokatu zen proba eta junior mailan lortu zuen alegiarrak txapeldunorde izatea, eta taldeka brontzezko domina lortu zuten.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
EGIN ATARIKIDE!