Artola txapelketatik kanpo geratu da

Argazkia: EITB.EUS

Lau eta Erdiko Txapelketako final-zortzirenetan Elordiren aurka 16-22 galdu du alegiarrak.

Elordiren etxean, Mallabiako pilotalekuan jokatu zuten atzo gauean partida, eta Iñaki Artolak ezin izan zuen final-laurdenetako ligaxkarako sailkatu. Elordik sekulako bizitasunarekin hasi zuen partida, 0-7 jarriz, eta abantaila horrek lagundu zion gerora garaipena lortzen. Elordiren alde nagusiena bederatzi tantotakoa izan zen, 6-15, eta Artola hobeto aritu bazen ere partidaren bigarren zatian, ez zen nahikoa izan mallabitarrari harrapatzeko. Elordik final-laurdenetako ligaxkaren lehen partida Altuna III.aren aurka jokatuko du, urriaren 10ean, Astelena pilotalekuan.

 

Atzoko partidan guztira 218 pilotakada eman zituzten bi pilotariek. Artolak 9 tanto egin zituen eta 2 galdu. Elordik, berriz, 20 tanto egin eta 7 galdu zituen.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!