Hilaren 26ko Artisau eta Barazkien Azoka Berezian postua jarri nahi duenak izena eman beharko du

Alegiako Udalak hilaren 26an Artisau eta Barazkien Azoka Berezia egingo du, eta Alegiako edo herriarekin lotura duten ekoizleek eman dezakete izena postua jartzeko. Apuntatzeko azken eguna, astelehena, hilak 20, da.

Irailaren 26an, igandean, Alegiako Udalak XIV. Artisau eta Barazki Azoka Berezia. egingo du. Segurtasun neurri guztiak hartuta, herriko ekoizleen postuak ikusi eta bertako produktuak erosteko aukera izango da azokan. 11:00etatik 14:00etara bitartean egingo dute, baina postuak jarri nahi dituztenek aldez aurretik izena eman beharko dute. Azokaren kokapena datozen egunetan zehaztuko dute, izena ematen duten postuen arabera.

Alegiako ekoizleek edo herriarekin lotura edo harremanen bat dutenek izango dute erakustokiak jartzeko aukera. Interesatuek hilaren 20ra bitartean eman ahal izango dute izena 943 65 46 98 telefono zenbakira deituta edo kultura@alegia.eus helbide elektronikora idatzita.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!