Ilusioz ekin dio Elorri Aldapa saskibaloi taldeak 2021-2022 denboraldiari. Iazko etenaren ostean, dagoeneko ekin dio denboraldi-aurreari gizonezkoen nagusien taldeak. Hilabetera hasiko dira lehiatzen.
Taldea sortu zenetik, ordea, emakumezkoen taldea sortzeko erronka izan du Elorri Aldapak. Orain artean lortu ez duten arren, aurten ere ez dute amore eman nahi, eta emakumeei gonbidapena luzatu diete. Saskibaloia gustuko izan eta ondo pasatzeko gogoz dauden neskei taldearekin harremanetan jartzeko eskatu diete, edo, astearteetan, 19:00etan, Elorri pilotalekuan duten hitzordura agertzeko deia egiten zaie.
Saskibaloirako zaletasuna sustatu nahi dute, eta probatu ez dutenei ere astearteetan 19:00etan Elorri pilotalekura agertu eta probatzeko deia egin diete. Ekimen hori, zehazki, 2006 eta 2007an jaiotako kadeteei eta 2004an eta 2005ean jaiotako juniorrei zuzenduta dago.
Informazio gehiago nahi duenak elorri.aldapa@gmail.com helbide elektronikora idatzi dezake.