Ibaiaren eta naturaguneen egoera ekologikoa hobetzeko asmoz, aurten lehen aldiz Alegiako Udalak hondakin solidoak biltzeko eta kentzeko zerbitzua kontratatu du.
Maiatzean, Langaurreko atsedenlekutik 106,381 kilo zabor bildu ziren. Horretaz gain, iturriak, su tokiak eta atsedenlekua ere txukundu zituzten. Ekainean, berriz, Txulubitxo errekako inguruko bi hondakin pilaketak ere garbitu zituzten, 3.978,65 kilo zabor bilduz.
Uztailean, Oria ibaiaren, Aritzaga errekaren eta Txubiritxo errekaren ubide eta bazterretatik 577,965 kilo hondakin solido bildu zituzten; denera, 4.663 kilo zabor bildu dituzte azken garbiketa lanetan. Aurkitutakoen artean, bi trafiko seinale, kotxe gurpilak edota obrako konoak nabarmendu ditu udalak. "Aipatzekoa ere zuhaitzen adarretan trabatuta aurkitutako toallita kopuruak eta kaleko hondakin kopuruak udaletxeko plaza inguruan".
Baina, lan hori ez dela nahikoa esan du udalak, "inguruan ikus ditzakegun hondakin guztiak kentzeko"; horregatik, irailean egingo den hurrengo garbiketan parte hartzeko deia egin die herritarrei. "Ea denon artean lan eginez Alegia garbiagoa lortzen dugun". Udalak dagokion unean emango du garbiketan laguntzeko izena emateko modu eta epeen berri.
Gipuzkoako Foru Aldundiak 4.612,14 euroko diru-laguntza eman diola Alegiako Udalari proiektu hau aurrera eramateko.