Alegiak etxean jokatu ditu Herriarteko Txapelketako kanporaketako lehen hiru partidak Oiartzunen aurka, eta ezin izan dute partida bat bera ere irabazi. Gehiago izan dira oiartzuarrak.
Elorri frontoian tentsio uneak bizitu dira, baina lehen partidan, kadeteen mailan, alegiarrak hutsean utzi dituzte oiartzuarrek. Jubenilen mailako partidan denbora guztian atzetik joan badira ere emozio puntu batzuk izan ditu partidak, baina 16-22 bukatu da partida. Nagusien mailan, berriz, bost tanto baino ez dituzte egin etxekoek. Honenbestez, eta hurrengo partidak Oiartzunen jokatu beharko badituzte ere, Herriarteko Txapelketako bidea ia amaitutzat dute Intxurreko pilotariek.
Iñaki Artolari elkartasun keinua
Intxurre Pilota Elkarteko kideek finalaren bezperetan lesionatuta dagoen Iñaki Artola Alegiako pilotariari babesa agertu nahi izan diote, eta animoak emateko aukera aprobetxatu dute. Bigarren partida jokatu ostean, kantxara atera dira Aupa Iñaki, hikin gatxerek pankartarekin. Iñaki Artola bera harmailetan zen partidak ikusten eta kantxara jaitsi da, eta lagunartean egon da.