Alegiako erretirodunen egoitzako tabernaren kudeaketa lehiaketa publikora atera du Erretirodunen elkarteak. Taberna hartzeko interesa duen edonork ekainaren 30era bitartean eskatu ahal izango du informazioa, eta elkarteko kideak jarriko direla harremanetan aurreratu dute, baldintzen nondik norakoak azaltzeko.
Hala ere, informazioa jaso nahi duenak bi modutara egin dezake eskaera. Alde batetik, Alegiako udaletxeko ateko postontzian gutun bat bota dezake, bertan interesatuaren datu pertsonalekin eta informazioa jaso nahi duela adieraziz. Bestetik, datuak eta eskaera bera posta elektroniko bidez bidali daiteke komunikazioa@alegia.eus helbide elektronikora. Gaia atalean Erretirodunen tabernari buruzko informazioa zehaztu beharko da.
Eskaerak Erretirodunen elkarteak kudeatuko ditu, eta interesdunekin beraiek jarriko dira harremanetan.