Alegiako Iturri Zahar guraso elkarteak irudi berria du. Arazoak zituztela logoarekin azaldu du Ixa Irigoien guraso elkarteko kideak. Logo berriaren beharra ikusita lehiaketa bidez aukeratzea erabaki zuten. Hamasei logo jaso dituzte, eta Jon Aramendi alegiarrarena izan da aukeratua.
Garaiko inprentako kide batek eta guraso elkartekoek egin dute epaimahai lana. Bi bereiztea erraza egin zitzaiela esan du Irigoienek, eta «gutxirekin asko» esaten duelako aukeratu dutela. Ur tanto eraldatuak ikusi dituzte irudi berrian.
Irigoienek elkartearen izenean eskerrak eman dizkie parte hartu duten eta lagundu duten guztiei. Erakusketa jarri nahi zuten, baina azkenean bideo bidez zabaldu dituzte lan guztiak.