Lehen finalerdia jokatu du Iñaki Artolak lehen mailako Buruz Buruko Txapelketan eta finalerako txartela lortu du. "Berriz ere oso partida zaila izan da gaurkoa", esan du pilotari alegiarrak. "Tentsio handia izan da, ez naiz inoiz eroso sentitu, eta horretan zerikusia izan du Beñatek [Rezusta]. Oso gustura nago nire buruarekin".
Artolak 10 tanto egin ditu eta lau bakarrik galdu ditu. Rezustak, bere aldetik, 12 tanto egin ditu eta 12 tanto galdu. Bihar jokatuko da beste finalerdia, Jokin Altuna amezketarraren eta Zabaletaren artean.