Gaur Iñaki Artolak final zortzirenetakoa jokatu du Asier Agirreren aurka. Partida lehiatua jokatu dute bi pilotariek. Hasieran biak pare parean joan baitira, eta hamaseinako berdinketan aurre hartu du alegiarrak 22-18 eginez. Gauzak honela, Buruz Buruko Txapelketako final laurdenetan izango da Iñaki Artola. Hain zuzen, alegiarrak Mikel Urrutikoetxearen aurka jokatuko du datorren igandean gaurko eszenatoki berdinean, Bilboko Bizkaia pilotalekuan.