Alegiako Udalak jakitera eman duenez, bihartik ostiralera bitartean, hau da, hilak 24, 25 eta 26an, "geltoki inguru guztiak ibilgailuz hustuta egon beharko du".
ADIFek geltokiaren eremu horretako segurtasuna hobetzeko lan batzuk egin behar ditu. Lan horiek direla eta, bihartik ibilgailuz hustuta egon beharko du eremu guzti horrek. Errepide nagusitik ibilgailuekin bertara sartzeko dagoen sarbidea itxita egongo da. ADIFek dituen aurreikuspenen arabera, astebururako lan horiek amaituko dituzte, eta ibilgailuek eremu horretara sartzeko aukera izango dute.
Alegian oso ohikoa da geltokiaren inguruan ibilgailuak aparkatzea. Egoera zein den aztertuta, asteazkenetik ostiralera bitartean, San Juan kalean aparkatzeko baimena emango du udalak, "ezohiko neurri modura". Behin lanak amaitzen direnean, "kalean aparkatzeko egun indarrean den debekua berrezarriko da", adierazi du udalak. "Ostiralean 14:30etik aurrera kalea itxita izatea da aurreikuspena", azpimarratu dute.
Udaletik aparkalekuaren erabiltzaileei barkamena eskatu nahi die, lanek eragin ditzaketen eragozpenengatik.