Ordubetez luzatuko da gimnasioa erabiltzeko aukera

Alegiako Udalak astelehenetik aurrera kultur etxeko gimnasioa ordubete gehiagoz zabalduko du.

Inaxio Begiristain Kirol eta Kultur Etxeko gimnasioaren ordutegia ordubetez luzatuko du Alegiako Udalak. 

Astelehena, otsailak 8, 15:00etatik aurrera erabil ahal izango dute gimnasioa alegiarrek. Orain arte 16:00etatik 20:00etara eskaintzen zuen zerbitzua, baina ordubete gehiagoz irekitzea erabaki du. Astelehenetik aurrera 15:00etatik 20:00etara bitartean erabili ahal izango da.

Ordubeteko txandak eskaintzen dituzte, eta orain arte egin duten moduan, erabiltzaileek aurrez hitzordua hartu beharko dute 943 65 46 98 telefono zenbakira deituta.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!