Alegiako Udala eta Gaztetxea elkarlanean ari dira COVID-19az kutsatuta dagoen herritarrei laguntzeko. Osasun krisialdiaren lehen olatua igarota, zerbitzua eteteko erabakia hartu zen, uneak berriz ere eskatzen zuenean abian jartzeko konpromisoarekin. "Tamalez, bigarren olatua gainean da, azken egunetan Alegian hainbat positibo eman dira. PCR probak egin ostean, herritar mordoa etxean bakartuta dago", esan du udalak. Hori dela eta, borondatezko zerbitzua erabiltzeko 688 813 423 telefono zenbakira deitu ahal dela esan du. "Udalak dei egiten die beharrean dauden herritarrei zerbitzu hau erabil dezaten eta boluntarioei eskerrak eman nahi dizkie, euren prestutasunagatik".
Adinekoei eta beharrean dauden herritarrei laguntzeko helburuz ariko dira.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!