San Juan kaleko 14 eta 16 zenbakiko eraikinak botatzen ari dira

Argazkia: Alegiako Udala

Gaur goizean hasi dira Alegiako San Juan kaleko eraikina botatzeko lanekin, eta gaur bukatzea espero dute.

Alegiako San Juan kaleko 14 eta 16 eraikinen eraiste lanak egiten hasi dira gaur goizean. Alegiako Udaletik jakinarazi dutenez, "ondo bidean" gaur egunean zehar amaituko dituzte lanak. Ekimen pribatua da egiten ari direna, "aspalditik hutsik dagoen eraikina da, eta azkenaldian egoera kaxkarrean zegoen, eta horregatik bota da" azaldu dute udaletik.

Lanek irauten duten bitartean San Juan kalera sartzeko Kalebeherako parkeko sarbidea itxita egongo da. Aldiz, Bideberrieta aldetik, oinezkoen bidea erabilgarri dago, baina "kasu egin bertako langileei", azpimarratu dute udaletik. Aldi berean, udalak barkamena eskatu du: "Lanek eragin ditzaketen eragozpenengatik".

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!