Igor Gonzalez Sola euskal preso politikoa hilik agertu zen ostiral arratsaldean, Martuteneteko espetxeko bere ziegan. 2005ean atxilotu zuten Donostiako Antigua auzoko etxebizitza batean, ETAri laguntzea, dokumentuak faltsutzea eta armak gordetzea egotzita. Berriki Euskal Herrira ekarri zuten, 15 urtez Euskal Herritik kanpoko espetxeetan izan ostean, eta kartzelaldiaren hiru laurdenak beteak zituen jada. Uztailetik bi hilabete eskas zeramatzan Martutenen. Haren heriotza salatzeko kontzentrazioa egin dute gaur 13:00etan, Alegiako plazan.
Igor gudari. Agur eta ohore. Herriak ez du barkatuko lelopean egin dute Alegiako herritarrek elkarretaratzea.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!