Haur eta gaztetxoei begirako udako eskaintzarik ez, Alegian

Tolosaldeko Ataria 2020ko mai. 20a, 11:45

Alegiako Udalak haur eta gaztetxoei zuzenduta udarako antolatzen dituen ekimenak ez egitea erabaki du. Eudelek udalei bidalitako gomendioen artean, herrietan antolatzen diren udalekuak bertan behera uzteko aholkua dagoela adierazi du Alegiako Udalak. Covid-19a dela eta, «sorturiko egoerak ez du bermerik ematen behar diren neurriak hartuz, udalekuak antolatzeko», argitu dute. Honenbestez, udalak uztailean antolatu ohi dituen ludoteka eta udalekuak bertan behera uztea erabaki du.

Hala eta guztiz ere, eta epe laburrean egoera nabarmen aldatuko balitz, Alegiako Udalak udalekuak antolatzeko aukera aztertuko lukeela nabarmendu du. «Guztion, eta bereziki gure umeen osasunaren alde, erabaki zentzudunena dela uste dugu. Ez da gustuz hartutako erabakia», argitu dute udaletik, eta une honetan «zentzuz eta arduraz» jokatzea dela garrantzitsuena diote.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!