Alegiako Udalak urtero diru laguntzak bideratzen ditu herriko hainbat talde eta elkarterentzat.
Urtero egiten den deialdian epe bat izaten dute diru laguntza eskatu nahi duten elkarteek. Taldeek izena emateaz gain, eskatzen zaien dokumentazioa aurkeztu behar izaten dute. Bizi den ezohiko egoeraren aurrean, elkarteei gai honen inguruko informazioa helaraziko zaiela adierazi du udalak, eta egoerak ahalbidetzen duenean izango da. Bertan zehaztuko zaizkie aurtengo urteari dagozkion asmoak.
Bestalde, udaletik jakinarazi dute, 2019ko laguntzei dagokien bigarren zatiaren ordainketa aste honetan zehar egingo dela.