Haurrek kalea behar dutela eskatzeko deialdia, Alegian

Iturri Zahar Guraso Elkarteak bihar eguerdirako kazerolada deialdia egin du.

Eskolako familia guztiei, bihar, 12:00etan, hurrengo ekimenarekin bat egiteko gonbidapena luzatu die. Umeak eta haurrok kalea nahi dugu, kalea behar dugu! leloarekin bat egin, eta balkoira atera eta danbor eta kazuelak astintzeko eskatu diete.
 
Maialen Lujanbio bertsolariak, egoeraren harira, Akerra ikusi dugu abestia moldatu du, eta asko zabaldu da. Horra hor kantua:
 

Zakurra ikusi dugu
parkera joaten;
jabea ikusi dugu
zakurra eramaten.

Jabeak, zakurra; zakurrak parkean; ta gu hemen!
Zakurrak bai, ta umeak zer?! Zer?! Zer?! Zer?! Zer?!

Gizona ikusi dugu
ogi bila joaten;
Ogia ikusi dugu
kale-buelta ematen.

Ogiak gizona; gizonak kalean; ta gu hemen!
helduak bai, ta umeak zer?! Zer?! Zer?! Zer?! Zer?!

Andrea ikusi dugu
lanera joaten;
Urkulu ikusi dugu
joateko esaten.

Urkuluk Andrea; andreak lanera; ta gu hemen!
Lanera bai, ta umeak_zer?! Zer?! Zer?! Zer?! Zer?!

Kalera irten nahi dugu
umeok lehenbailehen.
Kalera irten nahi dugu
umeok lehenbailehen.

Kaleak, arnasa, arnasak bizitza, bizitzak poza, pozak osasuna… lehenbailehen!
Haurrak kalera lehenbailehen, le-hen-bai-lehen!

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!