Koronabirusa

Alegiako edozein jardueretan izena emanda daudenei ez zaie ordainagiri berririk pasako

Jarduerarik egongo ez denez, neurri hori hartu du udalak. Alarma egoeraren bilakaeraren arabera jakinaraziko da jardueren eskaintza noiz berrezarriko den.

Inaxio Begiristain Kirol eta Kultur Etxeko edozein jardueretan izena emanda dauden herritarrei ez zaie ordainagiri berririk pasako egoera nahasi honek irauten duen bitartean.

Udaletik esan dutenez, alarma egoerak izango duen bilakaera "aurreikusi ezina da" eta horrenbestean, "ez dago jarduerak berrezartzeko data zehatzik". Jakinarazpen berririk egiten ez den bitartean egoerak bere horretan iraungo du eta edozein aldaketa dela, Udalak ohiko kanalen bidez jakinaraziko du. Erabiltzaileei ulermena eskatu diete eta egoerari buelta emateko etxean geratzea gomendatu dute.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!