16:00etarako prest ziren lasterketan parte hartu behar zuten korrikalariak, Alegian. Aurtengo San Silvestre lasterketan ez da lehiarik izan. Umorea soinean jantzita atera dira urtea amaitzeko azken korrika saioa egitera.
Lehenak haurrak izan dira parte hartu dutenak, eta alde zaharrean itzuli bat egin dute. Haurrena amaitu bezain pronto helduak atera dira plazatik. Herria korrika jarri dute parte hartzaileek, eta irribarreak ere banatu dituzte ikusleen artean.
Behin lasterketa amaituta, tripa bete eta berotzeko aukera izan dute. Eta herriko saltoki ezberdinek eskainitako sarien zozketa egin dute lasterkarien artean.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
