Sei bakarrizketa aurkezten dituzte, euskara eta generoa umore gai hartuta, euskalkiak, onomatopeiak, amatasuna, gorpuztasuna eta kristalezko sabaia izango dituzte hizpide. Sarrera bi euro ordaindu beharko da. Abenduaren 18a, asteazkena, zinema gaua moduan definitu dute gaztetxeko kideek eta 20:30ean, Gartxot filma ikusteko aukera eskainiko dute.
BUKATZEKO, MUSIKA
Azken bi ekitaldiak musikari eskainiak izango dira. Abenduaren 20an, ostiralean, Onki Xin, Zigor DZ eta Fer Apoaren taldea, Dupla Aguraingo bikotea eta Xatiro bakarlaria igoko dira gaztetxeko oholtza gainera. 22:30etik aurrera izango da, eta sarrera 8 euro ordaindu beharko da.
Eta ordu berean, hilaren 27an, ostiralean, Rodeo talde zestoarra eta Pelax donostiar bakarlariaren kontzertuak izango dira. Sarrerak bost euroko kostua izango du.