Artola, kanporatuta

Lau eta erdiko txapelketaren barruan, Ezkurdiaren aurka 22 eta 14 galdu zuen alegiarrak, atzo Balmasedan. Ez du aurrera egingo. 

Final-laurdenetako ligaxkaren hirugarren eta azken jardunaldiaren barruan jokatu zen partida atzo eta iazko txapeldunak aurre hartu zion Iñaki Artolari. Finalerdietatik kanpora geratu da eskualdeko pilotaria. Ezkurdiak, berriz, ligaxkako partida guztiak irabazita aurrera egingo du kaiolakoan. 

Finalerdietan tokia ziurtatua du Altuna IIIak, baina hala ere, amezketarrak Victorren aurka 22 eta 9ko emaitzarekin irabazi zuen atzo Irunen. 

Erik Jaka lizartzarrak bestalde, bihar izango du partida Peio Etxeberriaren aurka, Tolosako Beotibar frontoian, 17:00etan. Irabazten duenak egingo du aurrera. 

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!