Partida irabazita Iñaki Artolak aukerekin jarraitzen du

Atzo Iñaki Artola alegiarrak irabazi zuen Oinatz Bengoetxea leitzarraren aurkako lau eta erdiko partida.

22ra iristea lortu zuen alegiakoak, Bengoetxea VI.a 17an utzita. Bengoetxea lehen bi tantoetan aurretik hasi bazen ere, gero Artolak aurrea hartu zion, aldea handituz. Bengoetxeak bigarren tantorako ipurmasailean min hartu zuen, eta minez jokatu behar izan zuen partida. Hala eta guztiz ere, tanto onak utzi zituzten.

Artolak opari batzuk egin zituen partidan, eta leitzarra 4-12kotik, 12-14 eta 16-18ra gerturatu zitzaion. Dena den, 22ra iristea lortu zuen Iñaki Artolak.

Artola "gustura" geratu zen partida irabazita, oraindik ere, aukerak baititu Lau eta Erdiko Txapelketan.

Hurrengo partida Joseba Ezkurdia arbizuarraren aurka jokatu beharko du.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!