Alegiako Udaleko Kultura batzordeak antolaketa lan guztiak egin ditu, eta prest du abendura bitarteko kultur eskaintza. Guztira hamabost ekitaldi izango dituzte alegiarrek, eta gaur izango dute lehena.
Autokontzeptu eta autoestimuaren indartzea hitzaldiak irekiko du egitaraua, 18:30ean, kultur etxean. Kasu honetan, Aralarpean guraso elkarteak antolatua da, eta hilabete amaieran bigarren saioa izango dute.
Ipuin kontaketa musikatuek hilero izango dute tartea, eta urrikoa ostegunean izango da 17:00etatik aurrera. Larunbatean, hilak 19, Txintxarri Eguna ospatuko dute, eta Txintxarri eta Txintxarri Txiki abesbatzekin batera, Uztaritzeko Lapurtarrak abesbatza gonbidatuak kantatuko du, elizan. Aste betea dute lehena, eta bukatzeko, igandean, mendi irteera egingo dute Murumendira, Mendi asanbladak deituta. 09:00etan Tonto kaletik abiatuko dira Mandubira autoetan, eta eguerdirako buelta egingo dute.
Filma, musika, antzezlana eta euskarak ere izango dute bere tartea datozen asteetan, eta Maider Galarzaren ipuin kontaketa musikatuak itxiko du egitaraua.
UDAZKENEKO KULTUR EGITARAUA
Gaur, hilak 15
18:30.Autokontzeptu eta autoestimuaren indartzea. Aralarpean guraso elkarteak antolatuta, kultur etxean.
Urriak 17, osteguna
17:00.Ameli, ipuin kontaketa musikatua izango da, liburutegian.
Urriak 19, larunbata
19:45.Txintxarri Eguna.Txintxarri Txiki, Txintxarri eta Uztaritzeko Lapurtarrak abesbatzen kontzertua, elizan.
Urriak 20, igandea
09:00.Murumendira mendi irteera, Mendi asanbladak antolatuta. Tontokaletik abiatuko dira kotxeetan.
Urriak 25, osteguna
22:00.Margolariafilmaren proiekzioa eta solasaldi musikatua Mikel Urdangarin eta Oier Aranzabalekin, Elizpe zineman.
Urriak 29, asteartea
18:30. Autokontzeptu eta autoestimuaren indartzeahitzaldia Aralarpean guraso elkarteak antolatuta, kultur etxean.
Azaroak 13, asteazkena
Eskuratu zure argindar kontsumoaren datuak eta murriztu zure kontsumoatailerra (Gipuzkoa Argitu).
Azaroak 14, osteguna
17:00.Ipuin kontaketa musikatua Maite Francorekin, liburutegian.
Azaroak 22, ostirala
18:00.Xexili eguna. Loatzo musika eskolak antolatutako musika festa.
22:00.Itsaspetik azalera, azaletik plazaraantzezlana. Nagore Leon eta Itziar Saenz de Ojerren eskutik, Elizpe zineman.
Azaroak 25, astelehena
19:00.Kontzentrazioa, Emakumeenganako Indarkeriaren Aurkako Nazioarteko Eguna dela eta, plazan.
Abenduak 1, igandea
Mendi irteera, Bedaioko buelta. Mendi asanbladak antolatuta.
Abenduak 3, astearte a
Euskararen Eguna.
Abenduak 4, asteazkena
19:00.Euskaraz bizi ahal gara!
hitzaldia, kultur etxean, Galtzaundi euskara taldearen eskutik. Egitasmoak, jomugan du herritarrak kontzientziatzea, eta euskara hutsean bizitzeko aukera horren bueltan ahalduntzea.
Abenduak 12, osteguna
17:00.Maider Galarzaren ipuin kontaketa musikatua, liburutegian.