Gizon bat hil da astearte honetan N-1errepidean, Ikaztegieta eta Alegia artean. Donostiarako noranzkoan izandako auto-istripu batean, Trafiko Zuzendaritzak jakinarazi duenez.
Istripua 05:00ak aldera izan da, eta hiru ibilgailu nahasi dira, oraindik argitu gabe dauden arrazoiak direla eta. Kolpearen ondorioz, gidari bat hil da.
Hori dela eta, N-1 errepidea itxi dute Alegian, eta trafikoa Ikaztegietako errepide zaharretik desbideratu behar izan dute. Errepidea 07:30 aldera ireki dute berriro.