Hogei postu inguruk Alegiako plaza bete dute. Bertan, barazkiak, taloak edo bitxiak erosteko aukera egon da, besteak beste. XIII. Artisau eta Nekazal Azoka Berezia izan da gaurkoa eta herritarrek ez dute hutsik egin. Gainera, plaza alaitzeko, Pataxaranga txaranga ere bertan izan da.
Ikustera edo erostera ez ezik, argazkiak ateratzera ere joan da zenbait azokara. Kamera analogikoak erabili dituzte horretarako eta karreteak udalak jarri ditu. Behin azoka amaitutakoan, karrete horiek jaso egingo dituzte.